Азеиԥшурыстәылатәи ауаажәларратә еиҿкаара «Урыстәыла инхо аҳәса рхеидкыла» ахантәаҩы Екатерина Лахова лааԥхьарала Аԥсны аҳәынҭқарра иҟоу ауаҩы изинқәа рзы азинмчра змоу Анас Кишмариа, ахаша, жәабран 14 рзы, «Ҳәаа змам алахәылара» захьӡыз жәларбжьаратәи ателемост лҽалалырхәит. Ари ауснагӡатә иара убас рҽаладырхәит аҳәса-аԥхьагылацәа Урыстәылантәи, Аԥснынтәи, Белоруссиантәи, Аладатәи Ауаԥстәылантәи. Ателемост мҩаԥысит жәларбжьаратәи аинформациа агентраҿы  «Урыстәыла иахьа» , амедиа агентра «Спутник Аԥсны» аофис аҿы. Аԥснынтәи ателемост рҽаладырхәит Аԥсны аҳәынҭқарра аҵареи абызшәатә политикеи рминистр ихаҭыԥуаҩ Ада Кварчелиа, Аԥсны аҳәынҭқарра ауаажәларратә палата асекретарь Гули Кичба, апрограмма «аҳәса-аԥхьагылацәа» аушьҭымҭа Викториа Хурхумал.