Аԥсны аҳәынҭқарра иҟоу ауаҩы изинқәа рзы азинмчра змоу Анас Кишмария Диана Пилиа илыдылныҳәалеит Аԥсны аҳәынҭқарра Аконституциатә ӡбарҭа ахантәаҩы иҭыԥ ахьлыҭаз азы, насгьы илзеиӷьалшьеит лнапы злаку аус аҿы ақәҿиарақәа. Ладныҳәалараҿы иара убас иазгәаҭоуп: «Ҳаҭыр зқу Диана Едуард-иԥҳа, Аԥсны аҳәынҭқарра иҟоу ауаҩы изинқәа рзы азинмчра змоу аппарат ахьӡала, саргьы хаҭала сыхьӡала, ишәыдысныҳәалоит Аԥсны аҳәынҭқарра Аконституциатә ӡбарҭа ахантәаҩыс шәалхра. Ҳәарада, шәнапы злаку аус адырреи, шәенергиеи, шәусбаратәи шәеиҿкааратәи шәбаҩхатәреи, шәхатәы гәыкреи еиҳау аҭыԥ аиура алшара шәнаҭоит!»
Иара убас, аиԥылараҿы ирыхцәажәеит Аԥсны аҳәынҭқарра иҟоу ауаҩы изинқәа рзы азинмчра змоу аппарати Аԥсны аҳәынҭқарра Аконституциатә ӡбарҭеи раԥхьаҟатәи русеицура алшара.