Нанҳәамза 17, 2026

Аԥсны иҟоу ауаҩы изинқәа рыхьчаразы азинмчра змоуи Аԥсны адукатцәа Рпалата Ахантәаҩи аусеицуразы аиқәшаҳаҭра рнапы аҵарҩит

Ашәахьа, нанҳәамза 17 рзы, Аҟәа, Аԥсны Аҳәынҭқарраҿы ауаҩы изинқәа рыхьчаразы Азинмчра змоу иофис аҿы, Аԥсны ауаҩы изинқәа рыхьчаразы Азинмчра змоуи Аԥсны адукатцәа рпалатеи рыбжьара аинырреи аусеицуреи рзы аиқәшаҳаҭра аҵарҩит. Аԥсны Аҳәынҭқарраҿы ауаҩы изинқәа рыхьчаразы Азинмчра змоу Анас Руслан-иԥҳа Кьышьмариеи Аԥсны адукатцәа рпалата ахантәаҩы Роза Платон-иԥҳа Занҭариеи иаҵарҩыз адокумент, ауаҩи атәылауаҩи рзинқәеи рхақәиҭреи рыхьчара аусхк аҟны рымчқәа реидкылара иазырхоуп. Аганқәа еиқәшаҳаҭхеит аилагарақәа аус адулара, урҭ раԥыхра, аинформациа аимдара, иара убас иҟоу ззанааҭдырра ҳараку азиндырратә цхыраара амеханизмқәа активла рырҿиара. Арҭ ахықәкқәа рынагӡара аҳәаақәа ирҭагӡаны иҟоу аинформациатә, азинтә, аиҿкааратә ресурсқәа зегьы рхархәара азԥхьагәаҭоуп.